باياناۋىلدىق  اقباقاي, سارىقاسقا, اققۇس, لاشىن اتتى تازىلار  جۇلدەلى ورالدى

ساتباەۆ اۋىلدىق اۋماعى اكىمىنىڭ مامانى  قانات ەسجانوۆتىڭ  ايتۋىنشا,  قىران  باپتاپ, قۇماي تازى جۇگىرتكەن بۇل سايىسقا  12 قۇماي تازى قاتىسىپتى.

ال, 5 قۇماي تازىنى باياناۋىلدىڭ ساتباەۆ اۋىلىنىڭ ساياتشىلارى دايىنداپ الىپ  بارعان.

سايىس ەرەجەسىنە سايكەس, قۇماي تازىلار 3 شاقىرىمعا دەيىن جۇگىرگەن.

جارىس سوڭىندا ساتباەۆ اۋىلىنان  قاتىسقان ساياتشىلار ءامىر جەرمۇحانوۆتىڭ «اقباقاي» اتتى تازىسى 1-ءشى ورىنعا, ەرجان ايماعامبەتوۆتىڭ  «سارىقاسقا» اتتى تازىسى 2-ءشى ورىنعا, ءاليحان دۇيسەنبەكوۆتىڭ «اققۇس» اتتى تازىسى 3-ءشى ورىندى,  ارسىلان ساعىنجاننىڭ «لاشىنى»  4-ءشى ورىندى يەلەندى.

ساياتشى ءامىر جەرمۇحانوۆ 24 جاستا. ول قاراعاندى تاۋ-كەن كوللەدجىن بىتىرگەن, قازىر قاراعاندى پوليتەحنيكالىق ۋنيۆەرسيتەتىندە سىرتتاي وقيدى.

قازىر ءامىر اۋىلدا ءوزىنىڭ شارۋاشىلىعىندا  ەڭبەك ەتۋدە. اقباقاي اتتى قۇماي تازىسى 3 جاستا. تازى قالىپتا بولۋ ءۇشىن جۇماسىنا  2 رەت جۇگىرتىپ, اڭعا شىعارادى ەكەن.

فاريدا بىقاي,

«ەگەمەن قازاقستان»

پاۆلودار وبلىسى,

باياناۋىل اۋدانى